توب جديد
طبول الفرح
دقة طبول الفرح
والصرح علي الجانبين
رشرش يامصري الملح
واقصد عيون حاسدين
محروسة يابلدي
علي الصعب بتعدي
بتهدي وتمدي
وتطيبي في الجرح
كل اللي فاتك فات
والجاي انصافك
مهما يكون هفوات
لاتهز اوصافك
ليكي اصول وكيان
ومجمعات اديان
وتاريخ لكل زمان
يحكي علي الفراعين
يعقوب وطب القلب
وزويل وافكاره
رفعوا ريات الحب
بالعلم واسراره
وكمان اديب مشتاق
رسم الحياة في اوراق
من كل حارة وزقاق
كان للسقيم ترياق
وفتوة للمساكين
دقة طبول الفرح
والصرح علي الجانبين
رشرش يامصري الملح
واقصد عيون حاسدين
وهاتها جمايل يااااااارب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة