يا بوي خبرني وقولي
عن الدنيا وفهمني
اعيش فيها كيه
وفتحة الصدر ولا
اعيشها جبان وماشي
جوه جوه الحيط
بس يابوي انا ما.اتخلقت
أكون جبان واجري وأفر
كيه الهره قالوها اهالينا
زمان عيسخطوك يا قرد
عيعملوني غزال
رد ابوي وقالي يا ولدي
الدنيا كيه المرة مرة تاخدك
في حضنها وتعطيك الأمان
ومرة تاخدك علي وشك
أوصيك يا ولدي تمسك للجام
نفسك حتي ما تحرك وتجيبك
علي وشك وكن حكيم وأحكم
قبضة اللجام كيه الفارس علي فرسه
لو تركت ليه اللجام بحري
ويرمح وتقع ويحرك علي وشك
خليك وسط في كل امورك
الاعتدال يا ولدي
ليه عتفرح ساعة وتحزن الباقي
من عمرك اليوم يا ولدي معدي
ومروح يبقي نشغل بالنا بيه ليه
وهو معدي ومىوح وحاول تفرح
يا ولدي حتي لو في عزاي
اوعاك لما أموت تتملكك الاحزان
وتقفل علي نفسك وتبكي علي
فراقي وبعدي الحياة يا ولدي
ماشية بي أو بدوني بس ابقي
افتكرني بالدعاء يا ولدي اوعاك
من الاحزان قمت وجريت
علي أيده ورأسه قبلتهم ودخلت انام
صحيت من نومي لقيت أمي واقفة
بجانبي تصحيني وتقولي قوم
أبوك مات أعمل ايه يابوي دلوقتي
أبكي واخزن الباقي من عمري
علي ظهري وسندي الي فقدته
ولا انفذ وصيتك وكان لي نصيب
اتعلم منك قبل الممات حاضر يابوي
هدعيلك في كل وقت ومش هسلم
نفسي للاحزان بس انت كمان
ياريت تجيني كل ليلة في المنام
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة