جالك آيه من عندك قولي
واخد ليه علي خاطرك مني
كل ما أحاول اقرب منك
ألقاك تبعد دايما عني
واخد الدنيا عند ف عند
سايق فيها كده و شاغلني
و كل ما احاول أسأل عنك
تتقل قوي وتفوتني لوحدي
فاكر الدنيا معاك هتدوم
و أن خصامك كده يوجعني
يبقي اكيد أنك موهوم
و انك عمرك ما هتهزمني
أنا بقيت ع العيش والملح
و جيت ع روحي حتي و قلبي
و من الآخر جيت ع نفسي
وكنت بحاول ليك مااخسرشي
بس لقيتها ما ب تفرقشي
و حتي غيابك ما يأثرشي
و أبعد عني خلاص وأنساني
وحدي هعيش بعدك يا أناني
وأفتح باب لعواطفي وقلبي
فيه ناس غيرك تتمناني
وأي كلمه تسعد روحهم
و بتتمني تعيش في حناني
جالك آيه من عندك قولي
غير الحسره يا زرع شيطاني
آيه غير في عواطفك مني
بعد ما كنت ب تترجاني
ليل و نهار أديتك عمري
أديتك روحي و كل كياني
يعني خلاص قررت تضحي
بحب سنين و أنت الجاني
واللي سهرت عليه وبنيته
جاي تهده خلاص في تواني
روح منك لله و أنساني
أنا مش هرجع ليك من تاني
وأن جيت مره تترجاني
أبقي قابلني و أنسي زماني
وأشطب حتي كمان عنواني
واسأل نفسك مين بكاني
و مين علمني أدوس علي قلبي
وأمسح حتي جميع أحزاني
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة