خايف افرح وخايف الحزن الساكن فيا يفر
إتعودت عليه وخايف من الجاي يكون أمر
والقلب ماعاد متحمل ومفيش حاجة تسر
العيشه اصبحت ضيقه والدينا ليه علياخنيقه
دا الورد جماله كان مني يا دنيا شويه إستني
و الدنيا خنقة بزيادة و أسعار وخدانا ابادة
السليم زبون بالعيادة وضغط وسكر بإفادة
الدنيا مجنونة بزبادة والكل عاوز له شهادة
الحرف نزف انين من الشقى وتعب السنين
القلب بانتظار فرح داب القلب بين دمعتين
دمعة مشتاقه ودمعة فراقه مابين العيدين
والله ياخال انت عارفني ماحدقدر يكسفني
أصل أنا عم الشغلانه وماحد يقدر يكشفني
استاذ قسم بجدارة يلا أبعد و بلاش تقرفني
و الدنيا خنقة بزيادة و أسعار وخدانا ابادة
السليم زبون بالعيادة وضغط وسكر بإفادة
الدنيا مجنونة بزبادة والكل عاوز له شهادة
بيقولوا لي أنت الكبير والكبير ما ييقولش آه
تستحمل حاجات كتير و كل واحد له منتهاه
دنيا غريبة وأطماع كتير يلا كل واحد منه لله
يا ناس مين عايش وخد عظة من حد مات.
عايش يطبل و يرقص عاوز يقفش الجنيهات
طمع البشربدنياالنفوس غائر يصيح باللهجات
بغزة باعوا الضمير و نسيوا رب السبع جنات
ماوققوا مع الحق وقفوا مع القوة والدولارات
لرضا الدولار باعوا تاريخنا ورضارب السموات
الشاعر /إبراهيم شبل
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة