الشعر مش عشق و غرام
الشعر يبني الامم
جربت مره تقول كلام
يطلع مداين تترسم
الشعر مش صيغه مبالغه
خيال وطاير بدون جناح
الشعر شمس ف أرضي طالعه
ماده خطاوي النور براح
ولا هو رص كلام جميل
لجل قلوب الناس تميل
الشعر مش عاشق وخان
وشكوي ليل المغرمين
الشعر روح من الرحمن
تمسح دموع المجروحين
يالي انتوا طالبين الاضافه
لجل كومنت وخرافه
الشعر مش مدح ومجامله
الشعر أسمى المادحين
والشعر مش وزن وبحر
الشعر حاله بتتوصف
جربت مره تكون انت بحر
علي شطوطه الناس تقف
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة