=====ام الملايا اللف===== =====نبيل الشضاوى=====

قاعد على القهوة بشرب شاى الاصطباحة

عدت امامى ام ملايا لف تتمايل بالراحة
العود غصن لبان يغذى نظر الحيران
القوام واه من القوام غزلانى
خلا نار شوقى لة وخدانى
قولت ياحلو صبح عليا وميل
دنا قلبى من جمر شوقة اصبح عليل
ردت وقالت عيب يااصيل
يالى فى الاخلاق نبيل
دنا برضة بنت ارض النيل
وعمرى للغلط ما اميل
وان كنت مش عارف البيت
اوريهولك ياجميل
قولت الحلو بس منين
قالت من جنبكو ياضى العين
وان كنت ناوى على ا للقا
يكون لينا الشرف يا اصيل
وان كنت بتتسلى ورينا
عرض قفاك ياعليل
بصراحة عجبنى ردها بنت الاكرمين
وعلى طول على بيتها
وعملت فى الحب قتيل
ماهى خطفت قلبى بنت الطيبين
وفرحت بيها وفرحت بيا
هو دة الحب الجميل الاصيل