قلبى طفح أحزانه --------------بقلم محمد البنهاوى __________________

جوه منه الحزن ساكن
فى المرور واخد مخالفه
أصل كل الظلم راكن
والقضيه حرب باردة
والدموع من الحر جفت
والطريق سكنه نظام
هى إيه بس الحكايه
يمنعونا من الكلام
هو ليه كل اللى فيها
بيسرقوا منا الامان
واما نشكى ولا نحكى
قال يقولوا عيشوا فيها وإحمدوا
فى كتير الجوع قاتلهم
وانتوا رمز للسلام
شوفوا شكل الطفل بائس
فى المرور قاعد ويائس
دمعه فوق الخد تنزف
وهو شايل الهم وحده
والعيون شايف جراحه
واللي حاكم نفسه ضده
لو فهمت العدل مرة
رجع احلامه  لعنده

حلم طفل اتباع وسعره
ايه مابين الناس رخيص
ضيعوا منه حياته
واللي ضيعها الخسيس
خلوا ليه الطفل باكي
فاقد الامل اللي جاي
دنيته فى الوش سودة
ظلمه مفيهاش اى ضى
أم راح تنسى ضناها
 تطوى قلب الحب طى

خلوا الحب يبيع ف حبيبه
حتى العبد بيحكم سيده
والام من الهم بتبكي
والحزن معشش فى جليبه
انا راح اشكى لربى وادعى
ع الحكام والخاين عهدى
واللي يبيع انا ارضى وعرضى
واللى يخلى الحزن نصيبي
شكرا للحاكم واعوانه
شكرا للشعب ومن هانه
خليك ساكت كدة عن حقك
وجوابى بان من عنوانه
انا راحل وهسيب الدنيا
علشان قلبى طفح احزانه
#البنهاوى