بعد الساعة اتناشر
بصحى حداشر مرة ليلاتى
نفس الحلم
بلقى بلدى ف حالة سلم
إجعله خير
حلم خطير
لو ظبطونى حلمته هضيع
وانا والله أمير ووديع
عمرى مقلتش كلمة لأ
ولا جم مرة
ياخدوا شهادتى
وقلت الحق
نفس الحلم
بلقى بلدى ف حالة سلم
إجعله خير
حلم خطير
لو ظبطونى حلمته هضيع
وانا والله أمير ووديع
عمرى مقلتش كلمة لأ
ولا جم مرة
ياخدوا شهادتى
وقلت الحق
مش متعافى
شايل جبنى ورعبى وخوفى
على أكتافى
ولا يوم قلت انا عاوز حاجة
ولا بهتم
ولا بغتم
حاطط أعصابى ف تلاجة
ولابسنى ميت ألف خواجة
شايل جبنى ورعبى وخوفى
على أكتافى
ولا يوم قلت انا عاوز حاجة
ولا بهتم
ولا بغتم
حاطط أعصابى ف تلاجة
ولابسنى ميت ألف خواجة
بس الحلم دا جالى ازاى
ربنا يستر
خايف إن الحلم يصبح علم
والقى بلدى مفيهاش حرب
والقى الشرطة تبطل ضرب
والقى جيشنا فى حضن الشعب
والقى الشرق ف إيد الغرب
يبقى ساعتها
كل حياتى هتصبح كرب
ربنا يستر
خايف إن الحلم يصبح علم
والقى بلدى مفيهاش حرب
والقى الشرطة تبطل ضرب
والقى جيشنا فى حضن الشعب
والقى الشرق ف إيد الغرب
يبقى ساعتها
كل حياتى هتصبح كرب
هيموت الحلم دا واخواته
راح يعدمهم ( حلف الناتو )
خايف مرة أسك عيونى
ألاقيهم جايين ياخدونى
وانا متلبس
راح يعدمهم ( حلف الناتو )
خايف مرة أسك عيونى
ألاقيهم جايين ياخدونى
وانا متلبس
خايف ألبس ألف قضية
خد عندك
أحلام سلمية
مع محضر تحريض ع السلم
زائد حلم بدون ترخيص
والقى حياتى صبحت فيلم
للثوار معروض فى باريس
والعنوان
آدى جزاء اللى ميسمعش
كلام إبليس
خد عندك
أحلام سلمية
مع محضر تحريض ع السلم
زائد حلم بدون ترخيص
والقى حياتى صبحت فيلم
للثوار معروض فى باريس
والعنوان
آدى جزاء اللى ميسمعش
كلام إبليس
علشان كدا
وقت النوم انا كنت بحاذر
عاوز اشوف ياحروب يا مجاذر
وقت النوم انا كنت بحاذر
عاوز اشوف ياحروب يا مجاذر
وف ليلة
باردة وطويلة
شفت يا عالم نفس الحلم
شفت بلدى فى حالة سلم
واما لقونى ف عز منامى
قاموا خدونى وقالوا حرامى
جبت محامى
قال ممسوس
قال ملبوس
واللى رآه فى منامه كابوس
بكرة يفوق ويبطل حلم
وان عاد يحلم تانى بسلم
ابقوا خدوه
باردة وطويلة
شفت يا عالم نفس الحلم
شفت بلدى فى حالة سلم
واما لقونى ف عز منامى
قاموا خدونى وقالوا حرامى
جبت محامى
قال ممسوس
قال ملبوس
واللى رآه فى منامه كابوس
بكرة يفوق ويبطل حلم
وان عاد يحلم تانى بسلم
ابقوا خدوه
قلت ياهوه الحق عليا
لكن برضو مش بإدية
وقعدت احلف
يا اخوانا دى حبة كوابيس
لكن مين يسمع ويصدق
منا طول عمرى كنت بشوفنى
ف حلمى عريس
يعنى اتحقق ؟
لكن برضو مش بإدية
وقعدت احلف
يا اخوانا دى حبة كوابيس
لكن مين يسمع ويصدق
منا طول عمرى كنت بشوفنى
ف حلمى عريس
يعنى اتحقق ؟
علشان تهدوا
عن أحلامكم هنوى الصوم
أو م الجايز ابطل نوم
أحسن حاجة
ابقوا هاتولى فى النوم حارس
ويكون فارس
وقت النوم يحرسنى بسيفه
وان جيت احلم
يختارلى الأحلام على كيفه
وان سهاه الحلم وجالى
دا يبقى حلالى
وان كان عنده شوية علم
انا وهو هنبقى ف سلم
بعد الساعة اتناشر
عن أحلامكم هنوى الصوم
أو م الجايز ابطل نوم
أحسن حاجة
ابقوا هاتولى فى النوم حارس
ويكون فارس
وقت النوم يحرسنى بسيفه
وان جيت احلم
يختارلى الأحلام على كيفه
وان سهاه الحلم وجالى
دا يبقى حلالى
وان كان عنده شوية علم
انا وهو هنبقى ف سلم
بعد الساعة اتناشر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة