كل القلوب بتئن
والحزن خان الزمن
ولا ليه كبير ولا سن
وحياتنا ملهاش تمن
ف الإعتقاد والظّن
وعرفت إن الوجع
ف القلب بالترتيب
وعيون بتضرب ودع
للغالي لما يغيب
ودموعنا تنزل .. عيب
حتى فراقنا نصيب
وكبرت وعرفت إن
الماضي لما يحن
يخدش حياء الموت
ويجيلنا من غير صوت
قطر الحياة بيفوت
وبكانا صابه سكوت
والروح قتلها الملل
واهى تايهة ف الملكوت
وكبرت وعرفت إن
الشعر الابيض شاب
من واحنا لسة شباب
فرح الليالي عذاب
عن صوت ألم مكتوب
ووداعنا للأحباب
وكبرنا يا عمرنا
ويا ريتنا ما كبرنا
شوف اللي ضاع مننا
شوف إيه اللي غيرنا
لو زارنا يوم الهنا
تيجي الهموم كام سنة
والدنيا تكسرنا
وكبرت وعرفت إن.........وما زال القلم يكتب😥😥
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة