لو هيملا الفرح قلبك
لو هتغرق فى السرور
افتكر لحظات دموعك
لما ف عنيك كت تفور
حس باللى عنيه بتبكى
و اللى دنياه موج بحور
و اللى مش لاقى ابتسامة
و اللى فهم الضلمة نور
و اللى فوق خدينه دمعة
و اللى عيشته كالقبور
و اللى محتاج ايد تطبطب
و اللى محبوس جوا سور
اعرف ان الفرح ضيق
و ان فيه دايما قصور
و انه لو كان لك لوحدك
او مضى فى قلبك حضور
بالاكيد حبة و يفارق
هو دور كما اى دور
و الحياة حتما هتمشى
و البشر .. واقفين طابور
#فهمى_على
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة