ويجى الليل
#بقلم حمدى نورالدين
ويجى الليل
وذكراكم مطر هائل
يغرقنى فى احزانى
وأقول يارب صبرنى
وقدرنى على حالى
ما أنا الجانى
وتسبقنى دمعاتى
وتغطى ضحكاتى
واعزف على جرحى
معزوفة من أقسى الحانى
ويجى الليل
وبحنينه هزنى وابكانى
وتركلى غصه بالقلب
تمزق كل شريانى
ويجى الليل
وأنا والهجر والحرمان حيارى
ومين فينا يهون على التانى
ويجى الليل
ووسادتى فى احضانى
ودمع عيونى فوق منها
مطر حامى
وهمى ينول ضفايرها
وتحضنى
وتطفيلى نيرانى
وتهمسلى برقة صوتها
وتبددلى احزانى
ويجى الليل..
#حمدى_نورالدين
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة