................................الأرض مش أرضي...........................
الأرض مش أرضي
ولا الولد ولدي
روحوا اسألوا الحنين
ليه اندبح سندي
ومنين أجيب لي معين
لما اتسرق كبدي
قالوا حياتي اتنين
الروح مع جسدي
ياخسارة فنت الروح
والتاني دبل عندي
أروح لمين ياناس
من الظلم زاد وجدي
يارب أنت معين
احفظ مياه خدي
واتحكم فيا عويل
لزمت أنا حدي
قال التلاتة اتنين
وسخر بي وبعدي
ياجابر المكسور
خد بي وبيدي
أصل القدر مكتوب
وأمره سبب كدي
يوسف وربه ناجاه
سأمكنك عبدي
موسى وقال يارب
فرعون وقال جندي
بالطاعة نال نجواه
للحق نور يفدي
مهما علي المبطول
داؤه قبيح يندي
الصبر ملاكه جميل
خليته أنا وردي
الليل مصيره يزول
والفجر بشير نجدي
الحرف أمره جليل
وسؤالي عين ردي
ايه العمل يا خي
أقول أنا هندي
لو قال لي كيف الحال
أزيد له في حمدي
الفهم أصله قلوب
ماهو مرض يعدي
والران قفال تعلوه
مافي دوا يجدي
كلامي لحنه حزين
راح زمن جدي
قالوا الولد محجوب
أسر الهمام شندي
في غيابه بات مغلوب
يافرحتي انسدي
واتجمعي ياكروب
خذي الهموم ودي
مادام ماعادش قلوب
بالعدل راح تندي
لاتخشى يا مأسور
ثباتك أنار سردي
قصص الخليقة عظات
سنن الوجود بردي
وبانت العلامات
ترفعنا أو تردي
يارب مالي سواك
قوي جراب زندي
خضر صحاري الروح
برد نيران وقدي
ثبت بي الأقدام
يوم التقاء ندي
ياباغي الحق توب
صراخك يقول وعدي
نادى عليك مولاك
احفظ ميثاق عهدي
الظلم ظلامه وخيم
هو سبب صدي
مايفيد لا جاه ولامال
نجاتك فيوض ودي
يارب غايتي رضاك
يارافع مقام غاندي
الباغي جمعه خفير
يارب أنا وحدي
فانصر موحد بيك
وآنسني في لحدي
ومن الشفاعة نصيب
بركوعي وبسجدي
ومن الجنان فردوس
ومن النيران فافدي
بقلمي | محمود عبد الخالق عطيه المحامي
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة