احلام بسيطه
يابت بحبك
انا مش اهبل وبرضه منيش عبيط
كل لما اجى اقولك بحبك
يطلع الكلام شخابيط لخابيط
ابوكى عمى واعره قوى طباعه
مبقدرش اقول قدامه بحبك
وهو شايفنى عيل بيرضع فى صباعه
طب دانابس اشوفك الاقى الدنيا
غريبه ليه مش عارف روكبى مش
شايلانى من التخبيط
وابوى برضه كبير وكلامه مهوش ساهل
يا بت هفرد ريش واجيلك طاير
بس هما قرشين وحتة ارض
علشان احس انى بقيت قدك
واجى لابوكى اطلب يدك
ويشوفنى راجل زين طول وعرض
وابوى يشوفنى كبير فى عنيه
انتى فاكره المرجله بالسنين ولا ايه
ده ياما ناس عاشت وماتت عيال
ركبو قطر السنين وسابو قطر الرجوله
كنا واحنا عيال اجيلك فرحان وبجرى
وكل حيلتى شوية نبق جوه جيبى
انما لما اجى اطلب يدك لازم ابقى
كبير وراجل وفوق كدك
واهى الايام بتجرى وترمح رمح
النهارده بنوقع القيضى
وكام شهر هنحضد القمح
واعبى جيبى فلوس
وعلى ابوكى هرمح رمح
انا هقوم امشى علشان اشوف شغلى
ولحد اما اشوفك شوقى هيفضل يغلى
الشاعر/عزالدين جبريل
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة