🌹🌹أاااه. حبينا. وإتحبينا 🌹🌹
.....................
زمان كنت أول إهتماماتك
دلوقتي خلاص شلتني من حساباتك
كنت فرحه عايشه دايما" جوه منك
كنت كتير في بالك كنت سيرتك
كنت ذاتك. كنت عيشتك
كنت قدك كنت حتي نفس سنك
كنت ضحكه. دايما ..تنور وشك
أه....بحبك .🌹💘
شايفه كل الناس ف وشك
كل وقت وكل لحظه سامعه حسك
عقلي سارح فكري شارد منك
وخايفه أخاف لو لحظه منك ..
عايزه طول الوقت اشوفك
عايزه كلمه بس منك
قولي بيها إنسي خوفك
عايزه أحبك من سكات
عايزه بس أعيش حاجات
نفسي أعيشها 🌹💘
نفسي الحلم مره يكمل
نفسي تكون أحلامي كامله
نفسي افرح. والفرحه تكمل
نفسي أعيش الحب كامل
كل لحظه وكل ثانيه
قلبي يكون فرحان وعايش
عايزه أكمل نص ديني
عايزه أعيش عمري وسنيني
جنب قلب يحس قلبي
جوه حضن يكون حاميني
شايفه وشه يكون بيضحك
حاسه همسه يدوب حنيني
أه بحبك 🌹💘
أه بحبك وأعمل إيه
كنا السبب ف إللي احنا فيه
بوحنا باللي قلوبنا حاسه بيه
وزاد اهتمامنا والحنين ليا وإليه
سمعني صوته وضحكته
ف. نهاره. وليلي
خلاني احس بلهفته
ومشيت طريقه وسكته
وفجأه سابني وسط الطريق
من غير حبيب ولا رفيق
سابني وخلاص 🌹💘
وفراقه مني كان الخلاص
كنت ليه عشمتني
ماكنت تبعد بس وخلاص
سمعت مني حاجات كتير
قولت بحبك. وقلت بغير
قولت عارفاك من زمان
وكأنك حلمي من زمان
لكن ياروحي كنت شئ
وأصبحت كان ياما كان
ياريت ماشفتك ..ولا قابلتك
ولا حبيتك ولا حسيتك
ولا كنت ف يوم. اتمنيتك
حبينا أه وإتحبينا 🌹💘
وفينا إللي مكفينا
وسلام ياقلب جرحتنا
سيبنا خلاص
باللي فينا
حبينا أه
لكن دلوقتي
مابقاش غير
الأااه
🌹🌷🌹
تحياتي
بقلمي
ايمان محمد
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة