قصائد قصيره ( 5 ) بقلم :السيدابوطاحون ************

على باب الربيع

طيور الجنه بتنادي

يقوم الورد يتوضى

ف صباح نادي

ينبت حب و يصو صو

و دا العادي

**************

غارت ورود الجنينة

مع أنها عارفه

الحب مش بالجنيه

ولا هو بالعافيه
***************
 كلام في قلبي بطلعه

يمكن حبيبي يسمعه

شفت حبيبك دلعه

وادي له حب وشبعه

***************

فينك يا جميل ما بتسالشي

كل ده وبتعمل في المحشي

م الصبح انا واقف على بابك

و بنادي عليك ما بتطلعشي

****************

إمتى

بتبعتري ف حته

وتقتري ف حته

وبتحبسي الشهدا

و تبغددي القتله

إمتى نقول احنا

لنا ف البلد حته

وامتى الفقير يقرا

اللحمه و الفته !

على فكره يا بكره

ما تجيش بدون خطه !

************
#قصائد_قصيره (5)
#الاخنوم
#السيدابوطاحون