الشاعر / أسامة عياد قصيدة : (((( قلبى عندك )))))

المشاعر لو هتتكلم تقولك

 إنى مقتول زيى زيك

والحقيقة قلبى حاسس
 بالل واجعك واللى عندك

مش هلومك أو هعاتبك
 دمعة الحرقة ف ملامحك

لما روح الروح تفارقك
 غصب عنك يبقى ذنبك

لما يبقى الرب حارسك
 يجى سيف الغدر دابحك

قطع أيد اللى يخطط يوم
 يبيدك ولا يفرح أنه ذلك

هوه عيدك صار وعيدك
 يلعن اللى يبيح ف دمك

كنت بتصلى فى كنيستك
 ايه جريمتك أيه جنايتك

تبقى واهم لو مفكر أنه
 مسلم حب نفسه ولا حبك

هوه ما تخصوش ديانتك
 ولا اسمك حتى جنسك

دى رسالة عن طريقك
 للى حاكم مصر بلدك

هوه عايز ولعة تولع
 تاكل اللى جابوا وطنك

انتحار دا مش شهادة
 والجحيم مستنى جسمك

ليه بتحكم ع اللى روحه
 مش بأيدك ملك ربك

اللى خالقك جاعل الروح
 سر خلقه سر خلقك

لو ضميرك مات وفارقك
 تبقى حقه دى نهايتك

الخيانة والعمالة بعت
 بيهم كل ناسك كل شعبك

بقلمى / أسامة عياد
 ...............................................