مجدي الشاعر ‏6 مايو‏، الساعة ‏10:30 م‏ قصيدة رقم (47) بعنوان (وجع الفراق ) من ديواني الأول ( دوحة العشاق ) بقلمي / Magdy EZZat الشهير/ مجدي الشاعر ********************** ( وجع الفراق )

= بعد السلام ياكرام يا الجمع ده الغالي

= عن وجع الفراق هقول وأحكي موالي
= بس الكلام يتوزن بميزان يكون حساس
= كنت صحيح البدن والقلب كان خالي
= سكنت قصادي بنية في البيت قبالي
= والحب مش بالكلام . الحب ده إحساس
= لما تطل م الشباك . أقول هل يا هلالي
= صعب ياخلق يتوصف كان إيه بيجرالي
= والجدع لما يحب بيعمل قلبه مداس
= كلمة ورا نظرة .... والبسمة تحلالي
= نسيت روحي و بعت بالرخيص غالي
= كتر الغمز واللمز ... و كتر كلام الناس
= يوم ورا يوم ضناني العشق إنشغل بالي
= قلت نسيت الهم ... والفرحة جيالي
= لملمت نفسي .. وخدني عرق حماس
= رحت لأبوها أطلبها تبقى مرتي حلالي
= يتم فرحي ويهدأ البال وزماني يحلالي
= اشترى فيا وباع .... وطلع رجل نخاس
= قلت حرام عليك يا عم رق كده لحالي
= دا الرجولة والشرف والأصل راس مالي
= حول عينيه عني .... وراح يهز الراس
= مشيت من عنده . معرفش إيه جرالي
= طق عقلي.. مشيت أغني للخلق موالي
= أضرب كف بكف.. وأخماس ورا أسداس
= سهر الليالي أتنسى... والحزن دا بقالي
= حبيبي فينك ...وكيف ألاقيك ياغالي
= جوزها راجل غني ....أغراها بالألماس
= يا سامعين كلامي . يا غاليين يا غوالي
= الزمن مش للفقير ولاعمره يصفالي
 = وإلي ما يسمع كلامي يشرب نفس الكاس

*************************

( تمت بحمد الله )
مع تحياتي / Magdy EZZat
الشهير / مجدي الشاعر
مساء السبت 6/5/2017