النفاق = ايمن ابو الدنيا

النفاق اصبح مهاره او شطاره
وانت لو ما عندكش المهاره
دى خساره
والخساره ان بعض الناس بترخص
لاجل شاره
والعباره مش مهاره دى مذله دى مهانه
دى خيانه للامانه
هو رب الكون بيؤمر بالخيانه
فين كرامتك فين شهامتك
فين مروءتك
استحاله
ان يوم الذل يصبح ابتسامه
والنفاق يصبح سبيلك للمكانه
النفاق أسوء صفه احقر سمه
مهما تعلى يا منافق
لازم مكانك الحثاله
والكرامه دى مهابه
حفظ الجوارح م المهانه
نفس صافيه حره دره
مؤمنه واثقه ابيه
الكرامه هى انك
تبقى مثال للانسانيه
فى العداله والشرف
فى الرحمه والنفس الذكيه
فى الموده والمحبه
لكل البشريه
رب البريه كرمك
بالعزه والنفس الابيه
وانت تيجى تذل نفسك
بالمهانه
تنشر سمومك بكل حى
وكل حاره
يا منافق نفسى اقول لك
كلمه واحده
يمكن تفيد فيك القواله
النفاق ده مش مهاره
دى حقاره  ....

بقلمى أيمن أبو الدنيا
1/5/2017