صلّح عيوبك ،،،،،،،،،،،،،،،،،،،،، جمعة عبدالجواد ٢٠١٧/٥/٢١

ليه لمّا أهديلك عيوبك
 ما بتسعاش تغيّرها

وكل فترة وفترة
 بتقوم بإنكارها

هوّ انت عاجبك عيوبك ؟
 لازم ننكوى بنارها ؟

ليه بيها تؤذى ولادك
 وجيرانك وأجوارها

عمّال تطهّق عبيدُه
 وذنوبك تكتّرها

عايش وحيد منبوذ
 والخلق ليك كارها

ولا لكشى صُحبة جميلة
 بحضُورك تعطّرها

ولا لَمّة حلوة فى رحلة
 تصاحبك فى مشوارها

إلـهى يكفينا بُؤس نفسك
 وشر أشرارها

وان كان أيّ خير فيها
 يرزقنا من خيرها