علاش ياعيوني =ادريس جبيلو

المعاني جننوني

وسلبوني الحرية
ف شبكة طيحوني
والسعادة مكفية
العيون صيدوني
والمراية معمية
الشفايف محنوني
والحب شد فيا
الحيلة ف عبوني
والغفلة غدرت بيا
الحروف ماگدوني
والنضم نشد القافية
ع الكلام حسدوني
وجدبة الاوليا(ء)
بالرمان كتفوني
ف نهود الشهدية
بالعشق بخروني
وسحروني ف السروية
بالتفاح حزروني
وبالعسل قضاو عليا
علاش ياعيوني
بيكم ضلوعي مكوية
بشوفة ملكتوني
ودموعكم سالت ف الفجرية
بالغاسول غسلتوني
 وعطرتوني بالشفافية

بقلم ادريس جبيلو
 المغرب