♥♥♥ لبن صناعي ♥♥♥الشاعر أحمد حمدي الجندي

عمر أمي ما رضعتني

لبن صناعي
أو رضعت في مرة
وإستحليت صباعي
لكن أمي رضعتني
إن غير الحق
دايما مش بتاعي
رضعتني مش حليب
رضعتني حاجات
مفطمتنيش عليها
رضعتني من عنيها
يعني أيه معنى"الحياة"
يعني إمتى أمد رجلي
أو أقصر من دراعي
رضعتني مش لبن مخلوط بماء
رضعتني الإنتماء
يعني أيه معنى الوطن
يعني كل الناس سواء
رضعتني كل ذرة من ترابه
بصمته كانت نخاعي
عمر أمي ما رضعتني
لبن صناعي