ما تيجو ف مرة نتعلم نكون اصحاب
عشان نصبح ف يوم احباب
انادى عليك فتسمعنى
و ما تردش فى وشي الباب
كما الاغراب
و تملا قلوبنا ميت ضحكة
و لا نعيش الحياة كسراب
يطبطب قلبى على قلبك و اكون جنبك
و نمسك تانى ف اللى اتساب
تشوفو الدمع ف عيونى
تواسونى
و انا عيونى تلاقى ف نن عينكو جواب
لالف سؤال عن الاحوال
و عن حمل الوجع لو مال
و عن حبل الوصال لو داب
نونس روحنا من جوا
بميت قوة
و ناخد تانى بالاسباب
ما تيجو بجد نبقى اصحاب
و مهما الدنيا يوم تقسى
نروح نرسى
و يبقى الخوف شعور كداب
و نتعلم نمد الايد
نجيب العيد
و نخطف ضحكة م الايام
فنبقى تمام
و ما نحسش كتير بعذاب
انا عن نفسى هاتمنى و هاستنى
اكون بينكم و اكون بيكم
و هاتعشم ف ميت بكره
و ميت فكرة عشان تكبر تدفيكم
و اكون ليكم
و نقلب عمرنا كله ... صلا ف محراب
عشان نصبح ف يوم احباب
انادى عليك فتسمعنى
و ما تردش فى وشي الباب
كما الاغراب
و تملا قلوبنا ميت ضحكة
و لا نعيش الحياة كسراب
يطبطب قلبى على قلبك و اكون جنبك
و نمسك تانى ف اللى اتساب
تشوفو الدمع ف عيونى
تواسونى
و انا عيونى تلاقى ف نن عينكو جواب
لالف سؤال عن الاحوال
و عن حمل الوجع لو مال
و عن حبل الوصال لو داب
نونس روحنا من جوا
بميت قوة
و ناخد تانى بالاسباب
ما تيجو بجد نبقى اصحاب
و مهما الدنيا يوم تقسى
نروح نرسى
و يبقى الخوف شعور كداب
و نتعلم نمد الايد
نجيب العيد
و نخطف ضحكة م الايام
فنبقى تمام
و ما نحسش كتير بعذاب
انا عن نفسى هاتمنى و هاستنى
اكون بينكم و اكون بيكم
و هاتعشم ف ميت بكره
و ميت فكرة عشان تكبر تدفيكم
و اكون ليكم
و نقلب عمرنا كله ... صلا ف محراب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة