وقفت الجماعة
عند المونية والمطة
والخيل ع الزرع عافطة
نصبت لومادن
ف خير لفدادن
ادري وتزرد
تغربل وتصرند
والحافر يردم
يفرك ويهدم
وسويطة المودن
الحب مع التبن
داك السهم الممنوع
اللي كيحارب الجوع
من ديك السبولة
مجنونة ومهبولة
ل عين الرحى
تسابق بالفرحة
مسلمة روحها
تهدي نوحها
كمشة طحين
بين دوك ليدين
وشطاطو حرير
خبز ؤبغرير
عجينة ف الفران
شدق ف المصران
او فوق الطاجين
للقوة عوين
غدا(ء) للروح
غنى وبوح
ف مخ العقل
بللي راه فحل
بقلم ادريس جبيلو
المغرب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة