كان نفسي تيجي ف ميعادك
ولا تخلفهوش
كان نفسي تحس ان بعادك
شئ ما حبوش
وبقول كان نفسي وأنا لسه
بستني هواك
مش ممكن أبدا أنسي
أحلامنا سوي
دة الحلم من غيرك
مابحققهوش
كان نفسي تكون فاكر وعدك
ما تعذبنيش
أنا أزي من بعدك أعيش
دة الحب عرفته من قلبك
من همس أيدك
أرجوك أرجع مليش غيرك
ما تغلبنيش
كان نفسي تحافظ علي عهدك
والاقيك جيت
وتقول مش قادر على بعدك
وعشانك جيت
وأحلم وياك إحلام حلوة
وأماني كتير
والدنيا تكون إجمل غنوة
مع زءزءة عصافير
كان نفسي تحبني وتنسيني
طعم الحرمان
وأيدك تمسح على جبينى
تمحي الأحزان
وأحس بنبضك جويا
يحيني معاك
وتدوب من قلبك ويايا
وأدوب وياك
وندوب
وندوب
*******
خواطر
نورا صادق
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة