قطار الدنيا
عبدالمنعم عدلى..مصر
قطار وماشى
فى زمن
الهم وماشى
لاهه سريع
ولا قشاش
ياراكب قطار الدنيا
من أول الطريق
ولسه مشواره طويل
وإنت سائقه
وواخد بالك
من كل اللى راكب
وعامل حسابك
مين نازل ومين طالع
ماشى وشايل
همك وهم ناسك
من الصغير
الى الكبير
بتوزع نسمات
الحب على ناسك
ومافى أحد
فاكرك والكل
بيقول هات
وأهو قطار وماشى
فى دنيا ماتسواشى
فيها العجب عجاب
وآاه من اللى ناسى
عارف كل حاجه
وبيبص لأى حاجه
يخساره على قطار
لساه ماشى
وإنت راكبه وسائقه
وعامل نفسك
مش واخد بالك
وبرده عمرك
مادست على ناسك
نظراتهم ليك
سهم غدار
وكأنها طلق نار
ياسائق القطار
إعرف ناسك
وعلم عليهم
بألم مرارك
وإنت صابر
وفين هتروح
من ناسك
والكل راكب
ولاهمه جرح إحساسك
يخساره على قطار ماشى
بقلمى عبدالمنعم عدلى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة