****************
وحياة النبض اللى بيحضن
حروف اسمك مابين ضلعى
وعيونى اللى مابطلت
تنزف ف يوم دمعى
لا عمرك تهت عن بالى
ولا قل بالفراق وجعى
ليل ونهار وبستنى
تفكر لقلبى يوم ترجع
معقول عن شوقى تستغنى
وتقرر م الطريق ترجع
وقلبى اللى كان بيستقوى
تقول مبقاش خلاص ينفع
وآمشى الخطى ف طريق تايه
مالوش آخر
مكتوب ف بدايته على رايه
طريق مسحور بلا ساحر
ماشى على نور فى سهرايه
فى كتاب الحب اللى بيه كافر
وحياة القلب اللى شال اسمك
لهلملم نبضى اللى متكسر
وما هرجع من طريق قلبك
ولو طارح شوك وكان اخضر
ولما اوصل هاللوم صبرك
على حلم حلمته وما اتفسر
م/محمد بدوى أبوالعلا
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة