عمرو تمساح ابوسفيان يصرخ مش وسيه

*********

لما تبقى الشمس طالعه وحاجبه نورها ع العباد

لما تاخد من جبينها كل يوم ضعف وبعاد

لما تستني وتحسب وتجريها بدون عتاب

وتسايسها ف كل لحظه ‏وهي سايقه ف العناد

لما يوم بتشوف صبيه حلمها م الغدر رايح

لما تلقاهي بتلعب والنهار ف عيونها سارح

لما تبكي ولا تشكي م حنينها وهو جارح

دمعها غالي علينا وشوقها يوم راح يبقي فارح

علمونا ليه زمان .......... ان كل الظالمين

لما يظلم ولا يحكم ولا يجرح مجروحين

إننا ف الرمله ندفن ... راسنا نفضل مرعبين

ف المثل قالوا النعامه .. دا كلام ناس تعبانين

ف الحقيقة القلب عاني وطال عليه كتر الانين

كل يوم هكتب وصيه .... وكل يوم راح تقري فيها

مصر ديه مش وسيه ..... ولا عزبه تعبت فيها

مصر نسمه لكل واحد .... حبها وخايف عليها

كل ريح رايحه تعدي ... ع البحور اللي ف ساريها

كل نسمه راح توطي ... جوه منها تبوس ايديها

كل صرخه جوه قلبي .... نيلها يوم راح يحكي بيها

تتروي ونقول ساعتها .... مصر ديا روحي فيها