يا عُمري ليه تجري
وكرِهت ليه فَجري
وبتقسيٰ وانا صبري
ما فاضِلش منُّه كتير
أيام مِخصماني
من جُوَّا انا باعاني
الضِحكة نَسياني
فَتعِبت مِ التفكير
ليه الأصُول ماتِت
والعقل بقىٰ شاتِت
أيوا السنين فاتِت
والقلب لِسَّه أسير
لايَّام كانت صافية
والنظرة كَت دافية
كلُّه صَبَح عافية
ظُلم ومالوش تَبرير
يا دمعة فِ حروفي
وكاساتها فِ كفُوفي
كارِه أنا خُوفي
يا رب.. إنتَ بَصير
طمعان انا فِ رضاك
عشمان فِ وَصل معاك
يا خالقي رُحماك
وانت يا رب قدير
جايز عَصيت ٠٠٠ فاصفَح
عَندَك كتير فاسمَح
خلِّيني يوم افرَح
وزماني يبقىٰ بخير
#فهمي_علي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة