أنا ليه باخاف مِ الخوف
واكتب كتير عنُّه
وباعيش وجع وكسوف
فابعِد بعيد عنُّه
ما اقدرش اقول مرتاح
ولا حتىٰ انا كويس
كل الِّلي شاعر بيه
تايِه أوي ... مهَيِّس
باتداریٰ من روحي
وزهِقت من بوحي
الدمع مَسموحي
وأنيني بقىٰ ريِّس
الجَرح ليه بيزيد
جوَّايا نار بتقيد
لا في حد مَد الإيد
كلُّه بقىٰ متَيِّس
بكلام مالوش تفسير
وما أسهل التبرير
سرِّي الِّلي كان فِ البير
علَنًا بقىٰ مكَيِّس
#فهمي_علي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة