بالتُقل ماشي و بتتمايل
صُعُب عليك قال حالي المايل
ماهي خطوتَك بتهِد الحيل
تنده عليك عيني وتتحايل
وتبُصلي و تقول مش قايل
دي ضحكتك بتسوي هوايل
أسهر و افكر طول الليل
ياعود ماشالله عليه يستاهل
و الشَعر مفرود ولّا جدايل
سحر الرموش السود بيشاغل
بينُط قلبي ومش بيطول
تعملّي مشغول أومش سائل
ويقولّي قلبي ماتيجي نحاول
واقول ياواد ماتخليك عاقل
معقولة كده . لأ مش معقول
ياحُب ليه حُكمك مش عادل
سببت لي ف القلب مشاكل
وامّا أسألك تهرب و تماطِل
و تقولّي أصبر ..بكرة تنول .
حسام بخيت
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة