آاااااااااه ياأنا ياللي فيكي وبيكي تايهة
سنة وراها سنة
بيكي بتألم وياريت بتعلم
اني حقيقي أكون أنا
اتوه مع الايام
وتاخذني الأحلام
وارجع تاني زي ماانا
اهون التقيل
واقول علي الصعب يسير
والاقي الخطوة تعدي في سنة
عديت مراحل
وهوان علي القلب تقيل
ولسة زي ماانا
كل مااقول بكرة يحصل التغيير
وربك ييسر كل عسير
واجي احسبها الاقي اللي فاضل كتيير
والسنين تعدي
والعمر مش بيهدي
وكله حسب التدابير
ياخوفي العمر يخلص
والحيل يتهد
وأفضل ياانا لسة في التفكير
وارحل من الدنيا
وانا لسة بتدور علي انا
وفي النهاية العمر يخلص في التدوير
ولسة ياأنا بدور علي أنا
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة