حصيرة وقلة ومقشة
حلمنتيشي
حصيرة وقلة ومقشة
واودة شرك مع جاري
وحبل غسيل ع الحيطة
وطشت عشان اخد
شوري
منيش نصاب ولاحرامي
ولا ع الناس خبير نوري
كتير افطر ولا اتغداش
ولو اتغدا. بتمدا
ولا اتعشاش
وبملك فرخة في العيشة
علي سطوحنا
وكلب صديق بيحرسني
معايا الدنيا مش هي
نسيت طعم الملوخية
وريحة التومة والطشة
بخيبتي روحت اتقدم
لبنت جارتنا يمتنا
وقولت نعلي فرحتنا
واكمل ديني وياها
لقيت الام. عملاقة
عيونها حادة براقة
برطل لبانه شداقة
تلملمني وتبحترني
توترني وتقهرني
وتتشرط علي الاخر
عايزة شبكة بالكيلو
وسيارة علي الزيرو
وفيلا شرحة علي برحة
وموبيليا علي المودة
تكون لقطة وانتيكا
وزفة نجمها بيكا
وكل احلامها بولتيكا
لا بتاخر ولا. تقدم
نسيت اني جاي اتقدم
ومهما احكي ف ظروفي
تتوه وتصدر. الطرشة
ياحاجة انا كل املاكي
حصيرة وقلة ومقشة
وهاتها جمايل يارب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة