مين إللي فهمك وللا أقنعك إن سكوتي شعور برضا
مش كل نقطة ميه على ورقة ورد هتقول عليها ندا
دا انا ياما نزفت بدموعي وداريت جروحي بضلوعي
ياريتك حسيت بعيني لما وقعت دمعتها وراحت سدا
الحلم بعدك بقى كابوس مانامت عيوني ولا أرتاحت
آه من وجع فراقك الدموع نزلت على مخدتي ناحت
بكبرياء كتمت إلآه وإنت لاحسيت بيا ولابالك إنشغل
عيوني غلبها أنات الحنين دمعتها نزلت عالخد باحت
أنا ياما سكت وداريت ما أشتكيت يوم ألآم او وجع
إللي شافوني حبه حسدوني وحبه قالولي لأ جدع
لا ضاق صدري من صبري ولا سألت فنجان عرافه
تعب قلبي ومن إلألم صرخ قالوا كفايه دلع ياجدع
مين مجرب يقرب يقوللي وآخرة وجع الفراق ايه
لو له دوا هو جربه ومن الحبيب قربه يدلني عليه
والله أشيل جميله في عينيه و برضا حبيبه أدعيله
ولو إلدنيا ضحكت وأسعدني الحبيب بقربه أرقيه
#جمال_نصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة