..... #ياعم_الحظ#....... ************ كلمات/علاء أحمد عبدالنبي

 

****************

ياعم الحظ مالك..

إية بس اللى جرالك..

بتروح لكل الناس...

ولعندي بتنسى حالك..

إمتى تفكر فيا..

إمتي تحن عليا..

نفسي تجيني شويا..

... دا أنا فرحتي مشتقالك...

.... ياعم الحظ مالك...

ألوانك لية غوامق..

دايما مقابلني بيها.....

بالحزن ليا سابق..

والفرحة بتداريها.....

عندك ألوان يابيبي...

الأبيض والفواتح...

لية الإسود نصيبي..

والباقي عني رايح...

إمتى تفكر فيا..

إمتي تحن عليا..

نفسي تجيني شويا..

... دا أنا فرحتي مشتقالك...

... ياعم الحظ مالك....

سنين عدت وعمري..

ماشوفتك عندي مرة.....

والعمر أهو بيجري...

وشايفك لغيري برة....

أنت لية مش شايفني...

هي دي فيها مجاملة...

وعارفهم مش عارفني....

وبتفرق في المعاملة....

إمتى تفكر فيا..

إمتي تحن عليا..

نفسي تجيني شويا..

... دا أنا فرحتي مشتقالك....

.... ياعم الحظ مالك......

ياعم الحظ مالك..

إية بس اللى جرالك..

بتروح لكل الناس...

ولعندي بتنسى حالك..