صار بينه الما صار
نجار وبابه مخلوعه
اسكافي وطراكه مشلوعه
دنيانه وشهو موضوعه
صار بينه الما صار
الليل مطفيات شموعه
كل ام صارت مفجوعه
والسايس واضح مشروعه
صار بينه الما صار
خيرنه مضيع بوعه من كوعه
ومبيوكه خيرات زروعه
عايش يومه بضيمه وجوعه
صار بينه الما صار
كالوا جيناكم بالخير
وراح تشوفون التغير
وشوفوا هسه شراح يصير
صار بينه الما صار
ايامنه سود قير
يلعن ابو هل التغير
ما ينفع بيه التفسير
صار بينه الما صار
حاكمنه ظالم شرير
كل شي عدنه صار تزوير
وهذا حالنه ماله نظير
صار بينه الما صار
بلد مخرب بلا اعمار
مفلش جن مضروب اعصار
وخير النفط كله طار
صار بينه المصار
جفت علينه الأمطار
وتحيط بينه الأخطار
أخطر من يوم التتار
صار بينه الماصار
يارب سترك يا ستار
غريبه هاي الأفكار
الدم قراطيه بالدار
صار بينه الماصار
واحدنه يرافس مصروع
كله بسبة هل التغير
عقلنه راح وطار
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة