***(( كاسات الحُب بِتمَلي))***
تحَمَلت أسمَع حَكي من تِمِك
كُله كلامِك بِجرَح بقَلبي
تحَيَرت شو أعمَل انا بحِبِك
وانت عَقَلب الغير بِتهَدي
كبِرنا سوا ياما حمِلِت هَمِك
وانت عُصفورة تنُطي في كَرمي
يِمكِن سياسة تكون من أمِك
بدها تِعطيكِ لابن عَمي
الله مَعاكي والشأن شأنِك
يا رب كل العمُر تتهَني
ما عُدت أقطُف عِنِب من كَرمِك
ولا تُقطُفي الازهار من يمي
لو ترحَميني وتِلزَمي حَدِك
وقَلبي يفَتِح ينجلي غَمي
سنين مَرَت عِشت في لُطفِك
وانت كاسات الحب بِتمَلي
ياما حَطيت القُبل عا خدك
وانت تحُطي القُبَل عا تِمي
ياما إجيت الدار أندَهلِك
كُنت أعتَبِر أمك مثل أمي
..بقلمي..ياسين مصطفى بكري....
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة