لفلوس
( من زجليات فاطمة امزيل )
آااه منك يا لفلوس
خليتي الْخُو على خوه يدوس
خليتي لمحتاج بينّا منحوس
وكلام الزّاوي ديما مسّوس
شحال عليتي من نفوس
وشحال نزلتي من نفوس
لبخيل يبات حاضي محسوس
ؤ بحساب الدرهم مهووس
ما يحول گعدة ما يسوس
ولكريم ما تلقى جيبو محبوس
يفرح لقلوب ويرفع الرّوس
ما يخلي مالو تاج ولا عروس
يا بنادم لا تكون ذاك المقيوس
احضي راسك من المدسوس
مال صافي وفلخواض مغموس
احضي من هم الدرهم الميؤوس
كلما جريتي وراه تعيش معبوس
يشقيك، ينخر فيك كيف السوس
آآآه منك آااه يا لفلوس
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة