أنا يمكن ماتغيَّرشي
لكن جوايا حاجات
مليانة بالانتقادات
لسلوك ف الناس بيحَيَّر
عايزنّي أبقى رئيس
لعموم القُطر ده كله
من غير ما أطبَّق أيدي
ف جيوبكوا كبير و صغيَّر
طب هابني المَجد منين
و منين راح اجيب مستثمر
و اللهِ دي حاجة تحيَّر
و بصفتي رئيس المجلِس
و رئيس هيئة نزاعاتكوا
و بصفتي زعيم الأُمة
و كمان قائد قواتكوا
أدعوكم لاستفتاء
بسياسة الاستغناء
يا توافقوا ع اللي باقولُه
و اللي يعارض راح اطولُه
يا اقسِم بالله هاغيَّركوا .. اّه .
حسام بخيت
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة