إحلم دي الأحلام ببلاش
عمر الحلم ما كان بفلوس
إحلم خلي اليوم يتعاش
إمشي ف دربك خطي ودوس
أيوه بجد انا عايزك تحلم
إوعاك تيأس م الأيام
واللي ما حققتوش في الواقع
عيشه ولو حتى ف احلام
يمكن حلمك يبقى حقيقة
جايز برضه يكون اوهام
لازم نحلم كل دقيقة
إن الدنيا بخير وسلام
أصل الشيء الجَّد يا دنيا
صعب وغالي على الغلبان
يبقى كفاية علينا الحِلم
ولا الحِلم كمان عصيان ؟
يبقى كفاية علينا الحِلم
ولا الحِلم كمان عصيان ؟
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة