=========
يالا تعالى يابنت الناس ...نبنى مع بعض الأساس
بيتك إذاى يكون جنه...والكل فيه يتهنى
انت العمود الأصلي..ومن بعدك اى شىء فالصوا
انت القلب الكبير..وبتشيلى أحمال كتير
من بعد الجواز....بيتك هو الأساس
جوزك فى عيونك حطيه..واوعى مره تزعليه
ولافى الحق تخالفيه.. وان غضب منك صالحيه
ب الأصول عاتبيه وبقرأن ربك فكريه لو اتجنى عليك.... وسر بيتك خليه جواك.. لو طلع بره يكبر..
جواك كل يوم يصغر.. ويدوب مع الأيام...ولاتبنى بينكم جدار..تبات نار تصبح رماد..اوعوا تناموا يوم
زعلانين..صفو قلوبكم من قسوتكم... يوم بيوم... يعيش جواكم الحنين.. إوعى جوزك تهمليه ب العيال.. وتسبيه لجمر النار تنهش فيه....ولا العمل يأخدك منه ..وتوه محبتكم ف خصام وزعل ..
العمر قليل...يابنت الناس خلى الضحكه مرسومه عمرك يطول..وخدوك تكون ورد بمبى... ولظروفه قدرى...وفوق طاقته لاتحمليه..اخرجى واتفسحى وهيصى...بشويه لب وتسالى وكوز دره ..ب الرضا حياتك تكون منوره ...قناديل شموع تقيد فرح
حتى اللى معاه فلوس هيحسدك ... الضحكه تمنها غالى ...يندفع فيها كل غالى... بس يرتاح البال
وحياته تكون فرح وسرور ..وان اتستحكمت بينكم الأمور...اغضبى عند أهله اولا..لو مخدوش حقك
إذهبى لبيت ابوكى... اللى كله خير هايحضنك
ويداوى جروحك بقرأن ربه و ب الأصول
واتمنالك كل خير...كل اللى عندى قلتهولك
وفى الأخر بيحكمك اصولك وأخلاقك ودينك
واقولك سلام خلص هنا الكلام..مع حلقه جديده
من كلام من القلب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة