شوفت إزاي الدنيا بخير
جابلى الطير وياه سلامات
جابلى قلوب الناس بتسامح
جابلى فى حضنى حب إمبارح
جابلى الصبر بطعم الفرحة
جابلى ياما حاجات
جابلى قلوب الناس مفتوحه
زى الأرض بتطرح خير
جابلى يد عليا تطبطب
تمسح دمعي ودمع الغير
جابلى ورود بستان مروية
بقوافل حب وحنية
لما لقيت الشوق فى عينيه
من الشباك رديت سلامات
زى البدر برمشه شاور لى
والنظرة فى عينيه بتقولى
كل الصعب يعدى تملى
والنسمة تولد بسمات
بس يا قلبى اوعى تبالغى
لو حسيت الحب ساعات
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة