.jpg)
ولدي حبيبي أعز الناس
ربك يعلم اني بحبك
حب يقضي الناس احساس
وياما سهرت الليل أراعيك
مره اغني ومره دموعي
تفيض حواليك
ياما حلمت اشوفك راجل
ملو هدومك
مالي مكانك
كل الناس تحلف
و بسيرتك تتعطر حكاويهم
ابني الغالي ياضي العين
اوعي في يوم تبعد وتسيبني
ترمي همومي وتقول مش حملي
أنا ياما تعبت عشان اراضيك
ابني الغالي يا ضي العين
كنت بحيلي
وحيلي وعمري عشان افديك
راح الحيل والعين والنني
وانت ياابني
زيارة امك مبقتش في بالك
وسمع عنك بس حواديت
اتجوز جاب عيال
ومعاه شقه وعربيه
وخدم من بره البلدان
أمك فين يا ضناي
ليه تسيبها
اتكلم في حيطان البيت
هنا كان ولدي بيلعب
هنا كان ولدي بياكل
هنا كان ولدي يذاكر
معرفش القسوه جاتلك
ميته وفين
خايفه اموت ومحدش حتى
يزورني في قبري
ما انت يا ابني
ضنايا وأملي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة