عادل جاد
يكتب : صحصح ..... يا مان
**********
صحصح أوى معايا يامان
دا انا اعجبك ومن الجدعان
أحنا لسة فى زمان الشجعان
عايش واخد بالى من كل انسان
من الصاحب والاخوات والجيران
لو تعدى وتسمع فى بيت قرآن
تأكد علطول انه خالى م السكان
لو سمعت صوت قناة زي الوان
تعرف دوغرى انه بالسكان مليان
موش كدا وبس دول عازمين الشيطان
لومشيت ف الشارع كام خطوة كمان
هتشم وتشوف ريحة بانجو ودخان
صوت الكحة بيسمع فى كل مكان
كل ده والناس صيام فى رمضان
قبله علطول الباب فى الباب
هتلاقى ساكن الشيخ شهاب
ملتحى عن المسجد فرض ما غاب
لكن اللوم والعتاب على بنته عتاب
لبسة وموش لبسة فتنة للشباب
لحم رخيص يتلم عليه الذباب
لسة ما خلص الحوار جنبه بالجوار
المعلم أمين أبو الأمانة الجزار
مفتري كل يوم يدبحله حمار
البلدى يؤكل يستوى على البخار
شعاره مكافحة الغلاء والأسعار
الدنيا بخير ممكن تتحقق الأمانى
جنبه علطول أحسن واحلى فكهانى
بيقول فاكهة طازة من طرح بستانى
بس بجد وللأمانة فى الميزان حقانى
تشترى منه انت على نفسك الجانى
فى تعبية الفاكهة ايده زى الحاوى
المضروبة تلاقيها فى كيسك بثوانى
على فكرة ده موش سكنى وعنوانى
دا انا كارهه من كل قلبى ووجدانى
نفسى نفسى اعيش بكوكب تانى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة