للبلياتشو!!!
نفسي احس بحُضن بلادي
ارجع واشرب ميّة نيلها
يرجع دفء وحُضن ولادي
اسهر واحكي تاني ب ليلها!!!
نفسي احس بحُضن بلادي
ارجع واسمع صوت مآذنها
موسى وعيسى ويا الهادي
والقرآن حاضن إنجيلها.
أجمل حاجة في بلدي يا ناس
إن الكُل شُعاع إحساس
لما تزورنا وترجع بلدك
تعرف أن بلدي أساس
ام الدُنيا والمحروسة
قالوا بهية قالوا عروسة
تنطق كلمة ترجع بوسة
فيها شباب عايش بحماس!!!
قالوا عجيبة وقالوا غريبة
تبعد شك تأبى الريبة
لازم تلقى فيها حبيبة
فيها بنات أفكارهم ماس!!!
هي الأصل من غير صورة
صوت العصر روح عصفورة
فيها الشعر وفيها الكورة
فيها الدعوة تجييك ب بلااااش!!!
اللي عاش العمر في بلده
ولينا مجااااش حتما عُمره
عُمره ما عااااش
يللا تعالوا في بلد الحور
بلد الفن بلد النور
قطر العمر. بيضحك زور
قطر بلادي مش غشااااش!!!
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة