عشاق
للبلياتشو!!
ليه بتخيل روحك فيا
ليه بتصور انك ليا
هو الهجر عندك غية
عُمر الحُب ماكان فيه أسية!!
بسأل نفسي تملي سؤال
انت معايا ولا عليا
انت حقيقة ولا خيال
ولا وهم ب روح إنسية!!
مادد إيد الشوق ب سلام
مد ايديك حن شوية
نظرة عينك فيها كلام
عطر كلامك ك الأمنية!!
بحلم يوم تكتبلي جواب
من غير لوم او كلمة عتاب
تكتب فيه اننا احباب
اصل الحب مش ب النية!!
بحلم انك لحن جميل صوت عصفورة
انك ديما ليا دليل عين مسحورة
بحلم انك ضوء قنديل او اسطورة
انك قمر الليل وسبيل اصل وصورة!!!!
ليلي نهاري بفكر فيك
ديما بسهر وانت تنام
بهدي كلامي الحلو إليك
لما بشوفك في الأحلام!!
انتي الحب بشكل مثالي
لازم احارب لجل انولك
هبعت ليكي كبير فرساني
صلح وهدنة يمكن اطولك!!
اصل الحُب شيء إنساني
غصب عنك غصب عني
زي ملاك او نور رباني
عايش فَيه على طول متهني!!
شعر
عامي
للبلياتشو
وليد حسانين
٢٠/٩/٢٠٢٢
القاهرة_مصر_
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة