حسام بخيت والعمدة

 العُمدَة 

حد يحدف لي العباية 

أمَّا اشوف النصابين 

أنت ياد يابن الديابة

قُلّي مالك 

بالغلابة الشقيانين 

هو انت يابني عايش ف غابة

لا فيه قانون ولا يحزنون 

أبعت يابني هات لي ابوه

لمَّا اشوف يبقى ابن مين 

هو انت مِن نفس المُعَسكَر 

دولا ناس مالهمش دين 

أيه اللي علَّاه فوق رؤسكم 

خَلَّى روسكو تشيل ف طين

شَمَّرلي فى دراع العزايم 

خَرّج الناس م السجون  

إدفع الدين على الغارِم 

يكفَى دولة مديونين 

حُط على سير المصانع 

غَلِّة الخير اللي طالع 

إفتح السوق للي بايع

تلقى كل المشتَرين 

يا خير بلادنا الحق ضايع

جوَّه عِب الجبارين 

يا خير بلادنا الحَق ضايع 

جُوَّه خوف المظلومين .