وسيم عبد الغني سلامه ينادي : ( يـَـا مـَـصـْـر الـْـعـَـظـِـيــمـَـه )

يا مصر العظيمه يـَا حـِصـْن الأمـَان يا أوِّل زعـِيـمـَه عـَرفـْهـَا الـزمـَان

عظيمه بـْرجـَالـِك وفـِطـْنـِة عيالك وروحك مـَالـِيـهـَا الـتـُّقـَى والإيـمـَان

بفضلك وخيرك مـَانـِحـْتـَاجـْش غيرك وبـِتـْعـَلـِّمـِيـنـَا الـرِّضـَا والـْحـَنـَان

وعـَطـْفـِك عـَلـِيـنـَا مـِضـَلـِّل عـَلـِيـنـَا وبـِيـْصـَحـِّى فـِيـنـَا الأمـَل والأمـَان

وطول عمر أرضك في طولك وعرضك بـِتـِنـْضـَح مَحبَّه وتـِطـْرَح ريحان

ومـِن حـُرِّ مـَالـِك بـَنـِيـتـِى لـْعـِيـَالـِك حضاره وْمـَنـَاره في أحـْسـَن مـَكـَان

زمـَان كـُنـْتـِى جـَنـَّه بـِشـَنـَّه ورنـَّه بـِتـِنـْعـَم بـِخـِيرك جـَمـِيـع الـْجـِيران

ودلـْوقـْت مـَالـِك بـِيـِدبـَل جـَمـَالـِك ونـِيـلـِك بـِيـِقـْطـَع طـَريـقـُه الـشـِّيـطـَان

وفـِيـه ظـُلـْم بـَاقـِى وأرضك شـَرَاقـِى وزرعك بـِتـِبـْكـِى عـَلـِيـه الـْغـِيـطـَان

مـُنـَايـَا أشـُوفـِك فـِي أحسن ظـُرُوفـِك مـَفـِيـش فـِيـكـِى ظـَالـِم ولا ألـْعـُوبـَان

ولاد الـَّذيـنـَه سـَابـُوكـِى حزينه وخـَلـُّوكـِى عـَايـْشـَه فـِي وسـْط الـْغـِيـلان

مـَعـَاهـُم صـَحـَابـْهـُم وعـَامـْلـِين حسابهم يـِوَلـُّو عـَلـِيـكـِى شـِوَيِّـة تـِيران

ومـَهـْمـَا إشـْتـَكـِيـتـِى ورُحـْتـِى وجـِيـتـِى مفيش حـدِّ منهم بـِيـِطـْلـَع مـُدَان

وواخـْديـن راحتهم وصـِيـتـْهـُم باسطهم عشان كان زعيمهم منافق جبان

ومـِن كـُتر كـِذبـُه قـَوَام سـَمـَّى حـِزبـُه بـِتـَاع الـْغـَلابـَه وكـُلـَّك حـِيـتـَان

ورغـْم الإحـَاطـَه يـِسـُوق الـْعـَبـَاطـَه ويـِفـْضـَل يـِهـَلـِّل ويـِصـْدر بـَيـَان

مـَحـَدِّش يـِكـِيـدنـِى ويـُصـْرُخ فِي ودنِى ولا يقولش كنا ولا يقولش كان

وحـَرَّم عـَلـِيـنـَا نـِفـَتـَّح عـِنـِيـنـَا وهـُوَّا بـِيـِضـْحـَك ويـُمـْضـُغ لـِبـَان

وحـَرَّص مـِراتـُه عـَلـَى مـِلـْيـَاراتـُه ومـَسـِّك عـِيـَالـُه شـُئـُون الـدِّيوان

وقـَاعـِد فِي قـَصـْره بـِيـِفـْخـَر بعصره وعـَمـَّال بـِيـُرقـُص مـَعـَاه الشيطان

ويـَا مصر مـَالـِك بتشكى لِى حـَالـِك وهـُوَّا اللى سـَادد عليكى الـْبـِيـبـَان

ومـِن كـُتـْر صبرك بـِيـِسـْعـَى لـِقـَبـْرك وعايز يـُحـِطـِّك في قلب الطوفان

ولادك ربـَايـْتـِك على اكـْتـَافـْهـَا رايـْتـِك مفيش حدِّ فيهم بيرضى الـْهـَوان

وصـَرخـِة تـُرابـِك سمعها شبابك مِن الـصـُّبـْح بـَدرى نـَزل فِي الـْمـِيـدان

وشـَايـِل سـِلاحـُه إيـمـَانـُه بـْكـِفـَاحـُه ولـِلـْمـَولـَى وحـْدُه لـَجـَأ واسـْتـَعـَان

ووحـَّد صـُفـُوفـُه ورُوحـُه فْ كـُفـُوفـُه لا قـَصـَّر في واجب ولا إسـْتـَكـَان

وحـَدِّد مـَطـَالـْبـُه وقـَالـْهـَا بـِقـَلـْبـُه مـَعَ الثوره لازم يـُكـُون فـِيـه أدان

وهـَلـِّل وكـَبـَّر والـلـه أكبر فـِي أوِّل طـَريـقـُه لـَقـَى الـْحـَقِّ بـَان

وكـَان كـُل هـَمـُّه يـِضـَحـِّى بـِدمـُّه ويـِرجـَع لـِمـَصـْر الـرِّضـَا والأمـَان

وقـَام شـَدِّ عـَزمـُه وبـِيـْسـَانـْده حـَزمـُه لا هـَمـُّه مـَبـَاحـِث ولا أمـْريـكـَان

وشـَال مـِن قـُصـَادُه مـُنـَافـْقـِين بلاده بـِطـَانـِة مبارك وحـَاشـْيـِة سـُوزان

ومـِن شـَعـْر راسْهُم مَسَكهُم وداسْهُم وخدهُم حَبَسهُم في وسـْط الفيران

وكـَسـَّر كلامهم وسـَقـَّط نظامهم وحـَط ِّالـْحـِيـتـَان كـُلـُّهـُم فـِي الـْلـُومـَان

ودى كـَات نـَهـَايـَه يا مصر إنـْتـِى آيـَه وبـِيـْقـُولـَو عـَنـِّك جميع الجيران

عـِيـَال مـَصـْر غـَالـْيـَه وهـِمـِّتـْهـَا عـَالـْيـَه عشان رجـَّعـُولـِك مـَكـَانـِة زمان

حـَيـِفـْضـَل يـَنـَايـِر على الدنيا دَايـِر يـِغـَنـِّى لـْخـُلـُودك ويـِحـْكـِى الـْلـِى كـَان

سـَعـِيـد إنـِّى شُفتِك وعاجبانى صورتك وصُورة شبابك في قـَلـْب الـْمـِيـدان

مَاهُو إنتى اللى شُورتى وإنتى اللى شِيلتِى وإنت اللى بيدِك عَدلتِى الميزان

يا مصر العظيمه يـَا حـِصـْن الأمـَان يا أوِّل زعـِيـمـَه عـَرفـْهـَا الـزمـَان