ع البخت آه لو مال
والله عمره ما مال
لكن دى راحة البال
فى الدنيا أعظم حال
وإنك ترضى بالمقسوم
وتنسى الهم ولا تبات
فى يوم مهموم
دا فضل وعدل مافى حد
بيقدر يوصل ليه ويدوم
وستر المولى لينا دا ستر
عظيم الفضل من الستار
مفيش انسان بيوصل ليه
غير اللى المولى راضى عليه
يارب اشملنا واكرمنا بنعمة
ستر تسترنا وتجبرنا
فى دنيا وآخره ماتحرمنا
من نعمة الرضى عنا
وصفى نفوسنا م الأحقاد
واكفينا قساوة القلب
واهدينا بهداك يارب
وبارك ربى أعمارنا
وبحُسن الخاتمة ارزقنا
آمييين يااارب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة