...................
بأسافر بروحي
و همسي و بوحي
و أروح بشوقي
تملي ... لهواك
وأسرح بخيالي
في كل الليالي
و حبي ليك ينادي
تخدني .. معااك
يا ساكن أنفاسي
بعادك ده قاسي
فاكرني ولا ناسي
إني دايما .. بأهواك
حكايتي الجميله
بأشواقها الكبيرة
سهرانة كل ليلة
منتظرة .. لقاك
قرب كدا لهوايا
خدني دنياك ويايا
و حلي بيك دنيايا
عيش وعيشني معاك
نرسم ع الرمل بيت
اكمني ليك حنيت
و بقلبي أنا هويت
والشوق نفسه يلاقيك
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة