( خليك في حالك ) :
خليك في حالك
إنت مالك باللي رايح واللي جي؟
خليك في حالك
ده انت ميِّت وإنت حَي
مين اللي قالَّك إنت مسئول ع البشر؟
ده في إله رب البشر فوق عرشه حَي
خليك في حالك
إنت مالك باللي عايش واللي مات؟
وعلى العباد عمَّال تألِّف في حكايات
خليك في نفسك
حرام عليك تنكُش في قبر
كل اللي فيه أصبح تراب اصبح رفات
خليك في حالك
إنت مالك بالقُريِّب والبعيد
ومال جنابك إن كان تعيس ولا سعيد
خليك في نفسك وانشغِل بس بحياتك
كفاياك زوادة في الكلام
وبلاش تخلي النار تقيد
خليك في حالك
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة